Д. Серікбаев атындағы Шығыс Қазақстан техникалық университетінің 65 жылдығына орай республикалық «EKTU CUP-2023» дебат турнирі өтті.
Оған жоғары оқу орындары, колледждер және Назарбаев зияткерлік мектебі, Қ. Нұрғалиев атындағы №43 мектеп-лицей, Ш. Уәлиханов атындағы № 3 мектеп-лицей оқушылары қатысып, Британдық Парламенттік Форматта (БПФ) сайысқа түсті.
Турнирдің басты ерекшелігі – жас шектеуінің болмауында. Бұл жағдай жастардың басын біріктіріп, университетаралық байланысты нығайта түсті. Мектеп оқушылары республикалық турнирде аға буын өкілдерімен сөз жарысына түсіп, өздерінің тең дәрежеде дес бермейтінін де дәлелдей алды.
Турнир қорытындысы бойынша «EKTU CUP-2023» пікірсайыс турнирінің кубогын Д. Серікбаев атындағы ШҚТУ студенті Ертіс Арыханов пен Ерболат Талғар фракциясы иеленді. Семей қаласынан келген Ғанибек Түсіпбек үздік спикер, ал Әлем Әліпбаев үздік төреші ретінде танылды.
Турнирге қатысушылар пікірсайыс жоғары жоғары деңгейде ұйымдастырылғанын және университеттердегі қазіргі жастар саясатындағы осындай іс-шараның маңызын атап өтті.
Comments