1 ақпаннан бастап атыраулық мектептерде "Өзін-өзі тану: сүйіспеншілік пен шығармашылық педагогикасы" тақырыбындағы дәстүрлі онкүндік бастау алды.
11 ақпанға дейін жалғасатын іс-шараның негізгі мақсаты - оқушыларды әдептілікке, сыпайылыққа, сыйластыққа баулу.
Жас өрендердің бойында мұндай сезімдердің болуы олардың еліне, туған жеріне деген перзенттік сезімін ұлғайтып, әлеуметтік белсендігін дамытады.
Осы бағытты жүзеге асыруда өзін-өзі тану пәнінің маңызы ерекше екені сөзсіз.
Аталған дәстүрлі жиынның әсерінен мектептерде ізгілік кеңістігі орнатылып, әрбір сынып тәрбие сағаттарын қоюда.
Онкүндіктің әрбір күні мейірімділік пен мерекеге толы болады деп сенеміз.
Comments