ҚОСТАНАЙЛЫҚ ОҚУШЫЛАР ПІКІРСАЙЫС ОЙЫНДАРЫНДА ЖАЗҒЫ ҰЛТТЫҚ ЛАГЕРЬГЕ ЖОЛДАМАНЫ ЖЕҢІП АЛДЫ

Алматы қаласында "Тұран" университетінің ұйымдастыруымен Республикалық онлайн - дебат турнирі өтті.

Осындай деңгейдегі байқауға алғаш рет Қостанай ауданының Абай негізгі орта мектебінің "Ыбырай ұрпақтары" дебат клубының "Болашақ" командасы қатысты.

Бұл іс-шараға Абай негізгі орта мектебінің келесі оқушылары қатысты: Сартон Ақбаян - 8 сынып, Төлеухан Жаңагүл - 6 сынып, Ещанова Ділназ-5 сынып.Айта кетейік, "Болашақ" командасы осындай ойындарға алғаш рет қатысып отырса да, қызықты ойын көрсетіп, "Тұран"университеті ұйымдастырған жазғы ұлттық лагерьге жолдаманы жеңіп алды.

Осылайша, топ жазғы демалысын Алматы қаласындағы екі апталық курортта өткізетін болады. Жазғы ойындардың жеңімпаздары университеттік стипендияға ие болады!