«Халықаралық экскурсия жүргізуші күніне» оқу-әдістемелік апталығы өтті

21 ақпан – «Халықаралық экскурсия жүргізуші күніне» орай Түркістан облысы адами әлеуетті дамыту басқармасы «Облыстық жас туристер станциясы» КММ-і туристік -экскурсия бөлімінің оқу-әдістемелік апталығы өтті. Апталық жоспарына сәйкес бөлімнің қосымша білім беру педагогы Н.Сұлтанбек үйірмешілерімен бірге қаламыздағы «Әзірет Сұлтан» мемлекеттік тарихи-мәдени қорық-музейі бағытында экскурсия жасады.

Экскурсия мақсаты: үйірмешілерді қаламыздың тарихи туризм әлеуетімен таныстыру: Түркістан қаласының тарихи туризмінің басты нысаны ретінде ашылған «Әзірет Сұлтан» мемлекеттік тарихи-мәдени қорық-музейінің қызметін насихаттау.

Экскурсия барысында үйірмешілер «Әзірет Сұлтан» музейінің қызметімен таныса отырып, тарихи музей қорына енетін қазақ хандарының зираттары, ұлы астроном, ғалым Ұлықбектің қызы «Рәбия Сұлтан Бегім» мазары, ортағасырлық «Шығыс моншалары», «Қылует» жер асты мешіті т.б тарихи нысандар туралы қызықты мәліметтер алды.