top of page

Теннистен әлем чемпионаты: Қазақстан жасөспірімдері іріктеу турнирінің ширек финалына шықты


Шымкент қаласында 16 жасқа дейінгілер арасында Азия – Тынық мұхит аймағы бойынша өтіп жатқан әлем чемпионатының іріктеу турнирінде Қазақстан жасөспірімдері ширек финалға шықты.

Қазақстан теннис федерациясының мәліметінше, қазақстандықтар D тобында екінші кездесуін Тайбэй құрамасымен өткізді Алдымен Заңғар Нұрланұлы Ванг Чунды 6:2, 6:2 есебімен ұтты. Содан кейін Әмір Омарханов Жу Фенгті жеңді – 6:4, 6:0.

Жұптық сында Әмір Омарханов пен Дамир Жалғасбай қарсыластарының осал тұсын тапты – 6:3, 6:4.

Осылайша 3:0 есебімен жеңіске жеткен Қазақстан жасөспірімдер құрамасы мерзімінен бұрын ширек финалға жолдама алды.

Өзбекстанмен өтетін матчта топта кімнің бірінші орын алатыны шешіледі. Ширек финал жеребесі бүгін, 10 мамыр күні, кешкісін тартылады.


Дереккөзі: https://el.kz/tennisten-alem-chempionaty-qazaqstan-zhasospirimderi-irikteu-turnirinin-shirek-finalyna-shyqty_73875/

Comments


bottom of page