Ағымдағы жылдың 19 ақпан күні «Білім мен шеберлікті бағалау» апталығы аясында орталығымызда ашық есік күні ұйымдастырылды. Орталығымызда еңбек етіп, зейнеткерлікке шыққан Сулейменова Апузя Тулешовна бастаған бір топ ата-аналар келіп жұмысымыздың тыныс тіршілігімен танысты.
Сонымен қатар техникалық бағытқа қызығып, болашақ мамандықтарын таңдау мақсатында Д.Қонаев атындағы №44 мектеп-гимназиясының 9-сынып оқушылары келіп орталығымыздың жұмысымен танысып, өз қызығушылықтарын танытты.
Келген қонақтарымызға «Автотрассалық үлгілеу», «Авто үлгілеу», «Авто құрастыру», «Авиа үлгілеу», «Роботтық техника», «Радиоэлектроника», «Фотостудия», «Телестудия» үйірмелерінің жұмыс бағыттарымен орталығымыздың педагогтері таныстырып шеберлік сыныптар ұйымдастырды, экскурсия соңында Планетарийге шолу жасалынып, аспан денелерімен таныстыру бейне фильмдері көрсетілді.
Ата-аналар мен оқушылар экскурсияға келгендегі алған жақсы әсерлерімен бөлісіп орталық жұмысына сәттілік тіледі.
Comments