top of page

Мемлекеттік жастар саясаты тұжырымдамасы қабылданды


2023-2029 жылдарға арналған мемлекеттік жастар саясаты тұжырымдамасы қабылданды. Бұл туралы Ақпарат және қоғамдық даму министрі Дархан Қыдырәлі мәлім етті.

Аталған тұжырымдама Мемлекет басшысының тапсырмасына сай, жастар саясаты туралы заңға өзгерістер енгізілуіне байланысты әзірленді. Жеті бағыттан тұратын Тұжырымдаманың негізгі бағыттарының бірі – ауыл жастарын кәсіби тұрғыда дамыту, кәсіпкерлік арқылы олардың әлеуетін іске асыруға баса назар аудару. Оның аясында 2029 жылға дейін 1 миллионға ауыл жастарын жұмыспен қамту, 3,8 миллион жасты ресурстық орталықтар арқылы әлеуметтік қызметтермен қамту көзделген, - деп жазды Дархан Қыдырәлі.

2029 жылға дейін қоғамдық кеңестерде жастар квотасын 20%-ға арттыру, жас мемлекеттік қызметшілердің көрсеткішін 25%-ға ұлғайту, 2,2 млн жасты волонтерлік, қайырымдылық және экологиялық бастамаларға тарту жоспарлануда.

Негізгі мақсаттардың бірі – NEET санатындағы жастардың үлесі 6,7%-дан 3,5%-ға дейін төмендету. 2029 жылға дейін 18,2 мың жасқа жеңілдетілген несие беріледі. Сондай-ақ 2,3 миллион жасты жұмыспен, 2,8 миллион жасты жоғары біліммен қамту көзделіп отыр. Үкімет басшысы қол қойған тұжырымдама жастар саясатын одан әрі дамытуға оң әсер етеді деп сенеміз, - деп жазды министр.

Дереккөзі: https://el.kz/memlekettik-zhastar-sayasaty-tuzhyrymdamasy-qabyldandy_70104/

Недавние посты

Смотреть все

Dastur cup ІІІ нәтижелері✅

▶️Жамбыл облысы әкімдігі білім басқармасының "Мектеп олимпиадаларын және мектептен тыс іс-шараларды өткізетін облыстық орталық" және Жамбыл облыстық пікірсайыс одағы «ДӘСТҮР» ИПК ұйымдастыруымен 2024

コメント


bottom of page