Қазақстанда жарияланған Балалар жылы аясында біз Алматы қаласы Алатау ауданының №2 мамандандырылған өрт сөндіру бөлімімен бірлесе отырып, 7-сынып оқушылары үшін экскурсия ұйымдастырдық.
Өрт сөндіруші-құтқарушылар балаларға өрттің пайда болу себептері мен қауіпсіздік шаралары туралы айтып, өрт туындаған кезде адамға өзін қалай дұрыс ұстау керектігін түсіндірді, сондай-ақ шұғыл қызметтердің телефон нөмірлерін балалардың естеріне салды.
Экскурсия соңында өрт сөндіру қызметінің инспекторы балалардан: «Өрт сөндіру машинасының тізгінін ұстағыларың келе ме?» - деп сұрады.
Автоцистернаның қуаттылығы ұл-қыздарды тәнті етіп, олардың өрт қауіпсіздігі әлеміне жасаған экскурсиясының керемет бір қорытындысы болды!
Comments