ЖАС ҚҰТҚАРУШЫЛАРҒА АРНАЛҒАН АШЫҚ ЕСІК КҮНІ

Келе жатқан Жаңа жыл мерекесіне орай Жамбыл облысының Жуалы ауданы Төтенше жағдайлар бөлімі және №7 Өрт сөндіру бөлімімен бірлесіп, Қайрат ауылында орналасқан №2 орта-мектебінің «Жас құтқарушы» үйірмесінің қатысушылары үшін «Ашық есік» күнін өткізді.

Негізгі мақсаты: төтенше жағдайлардың алдын алу және жою, оқушылардың өрт-құтқару спортымен айналысуға қызығушылықтарын арттыру, сондай-ақ төтенше жағдайлар кезінде, оның ішінде өрт оқиғасы туындағанда балалардың дұрыс іс-әрекет ережелері, сондай-ақ пиротехникалық құралдарды дұрыс пайдалану ережелері туралы білімдерін нығайту болып табылады.

Оқушылардың назарына арнайы және негізгі өрт техникалары көрсетіліп, олардың жұмысы туралы толық деңгейде мәліметтер берілді.