Түркістан облысы Бәйдібек аудандық «Жастар ресурстық орталығы» ғимаратында «Жас сарбаз» жасөспірімдер әскери-патриоттық қозғалысы республикалық қоғамдық бірлестігі басшылары аудан жастары өкілдерімен кездесті.
Кездесуді аудандық «Жастар ресурстық орталығының» басшысы Асқар Кенехан ашып, жүргізіп отырды.
Жиында «Жас сарбаз» жасөспірімдер әскери-патриоттық қозғалысы республикалық қоғамдық бірлестігінің төрағасы Мейірбек Меңдіғалиев пен Бірлестіктің Түркістан облысы филиал төрағасы Ролан Төреханұлы сөз сөйлеп, «Жас сарбаз» әскери-патриоттық қозғалысының жұмысымен таныстырды. Қазіргі таңда «Жас сарбаз» жасөспірімдер әскери-патриоттық қозғалысының филиалдары еліміздің барлық өңірлерінде ашылған.
- Бүгінгі өскелең ұрпақтың отансүйгіштік, еліміздің салт-дәстүрі мен мәдениетіне деген құрметінің қалыптасуы филиал жұмысының негізгі мақсаты. Сонымен қатар, «Жас сарбаз» қозғалысы базасында «SMART-SARBAZ» үйірмелері де жұмыс жасап, жасөспірімдерге әскери бағыт-бағдар береді, - деді сөз сөйлеушілер.
Қоғамдық бірлестіктің Түркістан облысы филиалының төрағасы Ролан Қонысбеков аудан орталығынан «Жас сарбаз» жасағы штабын ашуға болатынын атап өтті.
Comments