top of page

АТАДАН МҰРА, БІЗГЕ ПАРЫЗ ЖӘНЕ МАҚТАНЫШ«ЖАС БҮРКІТ» ӘСКЕРИ-ПАТРИОТТЫҚ ҚОЗҒАЛЫСЫНЫҢ МЕРЕЙТОЙЫ

2023 жылғы 24 қарашада Қазақстан Республикасының Ұлттық ұланы «Жас бүркіт» әскери-патриоттық қозғалысының 20 жылдық мерейтойын атап өтті. Сонау 2003 жылы Шымкент қаласында бригада командирі ретінде РУСЛАН ФАТИХҰЛЫ ЖАҚСЫЛЫҚОВ, ал бүгінде Қазақстан Республикасының Қорғаныс министрі, генерал-полковник, алғаш рет «Жас бүркіт» әскери-патриоттық клубын құруға бастамашы болған еді.

Сол кезден бастап клубтың туған күні «Жас бүркіт» қозғалысының тарихында маңызды миссияның басталуының шешуші сәті болды. ҚР Ұлттық ұланының әрбір бөлімшесі мектептер мен балалар үйлеріндегі «Жас бүркіт» спорттық әскери-патриоттық клубтарын қолдағаны үшін жауапкершілікті өз мойнына алды.

Бүгінде республикада 59 мектеп пен 3 колледжде «Жас бүркіт» қозғалысының 108 сыныбы ашылды, онда 2,5 мыңнан астам бала қауіпсіздік саласындағы практикалық дағдыларды, өзін-өзі қорғау, қоян-қолтық төбелестің негіздерін және әскери қызметпен танысуды ғана емес, сонымен қатар ұлттық тарих пен мәдениеттің мызғымас құндылықтарын, жауапкершілік, адалдық үлкендерге құрмет көрсетуді меңгереді.

ҚР Ұлттық ұланының офицерлерінің, тәлімгерлерінің арқасында балалар мақсаттарды дұрыс анықтауға, жоспар құруға және оң нәтижелерге қол жеткізуге үйренеді.

Өз дайындығын аяқтай отырып, клуб мүшелері Қазақстан Республикасы Ішкі әскерлерінің Әскери институтына түсу үшін ұсыныс хаттар алады.

«Жас бүркіт» әскери-патриоттық қозғалысының 20 жылдығына арналған салтанатты рәсімге ҚР Парламенті Мәжілісінің депутаттары, ҚР Ұлттық ұланының офицерлері (генералдар, полковниктер және т.б. шендер), ардагерлер, министрліктер мен ведомстволардың өкілдері, Қазақстанның түкпір-түкпірінен келген жас «Жас бүркітшілер» қатысты.

Көрмеде ұсынылған қарудың әртүрлі түрлерінің экспонаттары, сондай-ақ әскери киімдерді көрсету балалар мен ересектердің үлкен қызығушылығын тудырды.

Аталған іс-шараның салтанатты ашылу рәсімі ҚР Ұлттық ұланының туын енгізуден және ҚР Әнұранын орындаудан басталды. Бұл өте әсерлі және бәріне ұмытылмас сәт қалдырды.

ҚР Ұлттық ұланының Бас қолбасшысы, генерал-лейтенант ЕРКІН СОВЕТБЕКҰЛЫ БОТАҚАНОВ құттықтау сөз сөйледі. «Өскелең ұрпақты әскери-патриоттық тәрбиелеу – еліміздің мемлекеттік саясатының маңызды стратегиялық міндеттерінің бірі болып табылады. Балалар мен жастарды әскери-патриоттық қозғалысқа тарту – әлеуметтік маңызы бар құндылықтарды тәрбиелеуге, азаматтыққа, патриоттық сананы қалыптастыруға, Отанға деген адалдық сезімін, азаматтық борышын орындауға дайын болуға ықпал етеді» ,- деді ЕРКІН СОВЕТБЕКҰЛЫ.

«Жас бүркіт» клубтарының белсенді қатысушы балаларына, сондай-ақ олардың тәлімгерлеріне ҚР Ұлттық ұланы Бас қолбасшысының орынбасары, генерал-майор, ҚР Батыры Үмбетов Қайрат Жарылқасынұлынан, салтанатты шараның басқа да қонақтарынан жылы лебіздер айтылды. Марапаттар мен сыйлықтарсыз ешкім қалған жоқ.

Бұл іс-шара «Жас бүркіт» және «Жас сарбаз»-дан шыққан, 160 бала қатысқан тамаша концертпен аяқталды.

Comments


bottom of page